കണ്ണിമയ്ക്കാതെയുള്ള
എന്റെ
നോട്ടത്തെഭയമാണെന്ന്
അവന് പറഞ്ഞു
ചോപ്പു രാശി പടര്ന്ന
എന്റെ കണ്ണുകള്
ചേച്ചിയുടെ
കുട്ടികള്ക്കുംഭയം...
എഴുത്തുകള്കൊണ്ട്
എന്നെ വീര്പ്പുമുട്ടിച്ചപുസ്തകവും
പറഞ്ഞുനിന്റെ നോട്ടം
ഞാന് ഭയക്കുന്നെന്ന്
പുലരിയിലേക്ക്
ഞാന് നോക്കിയപ്പോള്
മഞ്ഞുതുള്ളിക്കും ഭയം
ഒടുക്കം, ഇന്നലെ
നീയും പറഞ്ഞു
എന്റെ തുറിച്ചുനോട്ടം
ഭയമാണെന്ന്
പക്ഷേ, കണ്പോളകള്
മുറിച്ചു മാറ്റപ്പെട്ടവന്
വേറെന്തുചെയ്യും ?
About Me
- ദീപാങ്കുരന്
- എവിടെവച്ചാണ് എന്റെ പ്രഭാതങ്ങള് മോഷ്ടിക്കപ്പെട്ടത്. ഇന്നലെ നിന്റെ വീട്ടിലെ ഉറക്കമുറിയിലേക്ക് ഇഴഞ്ഞെത്തിയ വെളിച്ചം ഓര്മിപ്പിച്ചതും ഇതായിരുന്നു. ഇടതൂര്ന്ന മരങ്ങളിലെ മഞ്ഞുതുള്ളിയും എവിടെയോ പോയിരുന്നു. ഇതെന്റെ നിത്യ നഷ്ടം. ഇടിമുഴക്കി മഴപെയ്ത രാത്രിയുടെ ശേഷിപ്പായി ബാക്കിയിരിക്കുന്നത് മരപ്പെയ്ത്തുകള് മാത്രം. കാറ്റടിച്ച് ചിതറിവീഴുന്ന മഴയുടെ അവസാന തുടിപ്പാണിത്. എനിക്കായി ബാക്കിയുള്ളതും അതുമാത്രം. എന്നാണിനി മഴകൊള്ളുക?
